ياخوان لحقوني عندي اترانز ام موديل 1979 ابي الغمه بس مو عارف

[TRANS AM 73]

اسلام عليكم
اخواني عندي اترانز ام 1979 مكينته اولدز 360 حلو بحطله اغراض بس خايف من الحراره اتشقني ومومحصله لغمات حق اولدز وياريت تنصحوني شحط
انا ابيه استعمال شته وصيف بس همن ادوس فيه

[KASH]

نصيحة .. حطله مكينه ثانيه LS1 مع الجير وراح يكون بخاخ الموتر وطرمبة البانزين طرمبة مرسيدس 560 القديم راح يكلفك الموضوع تقريبا الف دينار بس السياره راح تصير قمبله + استعمال يومي ... اذا عزمت عطني خبر عندي الي يظبطك

[Q8rides]

او عندك خيار ثاني انك تشد له مكينة شفر 350.لغماتها مقططه بكل مكان والكل يعرف يشتغل عليها

[TRANS AM 73]

منو بالكويت يركب مكاين ls1 حق سيارات قدم
على ايدك منو خل اروحله اقط الف دينار بس الموتر يطلع صح مو مشكله ومشكور على النصيحه
وئيذا ركبت مكينت شفر الموتر يطيح ومشكور ويعطيك الف عافيه وماتقصر
ومشكورين ياشباب

[Q8rides]

صحيح راح يطيح عزمه لكن من ناحية أخرى ميزته ان القطع متوفره مثل ما قلتلك :)

وفكرة الLS1 روعة اذا ظبطت.

والله يوفقك بالتظبيط.

[TRANS AM 73]

وياخوك منو يشتغل فيها انا مستعد اقط عليها بس يطلعلي الموتر صح
عندك احد يشتغل فيها بركب عليها ls1مو مشكله دزني عليه
ويعطيك العافيه على الرد

[KASH]

اخوي دزيتلك بالخاص رقم و اسم الي راح يشتغل بالسيارة ... لا تحاتي الشغل وايد نظيف وبالنسبه حق عيار البانزين والهوى والكمبيوتر والمترجم هم لاتحاتي الريال راح يظبطك ... واي خدمة او استفسار انا حاضر ....


بس لا تنسى صور السيارة قبل و بعد حق المنتدى ويومياتك بالتركيب ترا احنه ناطرين

[KASH]

عموما انا نزلت موضوع في القسم العام تحت اسم
صور سيارات عليها مكاين LS1

وهذا رابط الموضوع http://q8rides.com/showthread.php?t=60364


http://i5.photobucket.com/albums/y190/76ls1bird/100_0162.jpg

[TRANS AM 73]

والله ياخوي متردد لاني توني اموسع بساتن 20 ولوالد يقول حرام اتنزلها وبيني وبينك متردد وايد خوفي الموتر يتبهدل بس راح احطله ls1 بس اصبر علي اشويه اولن مادين ليلحين ماخلصت الكليه ومشكور على الرد ويعطيك الف عافيه وراح اتشوفني عن قريب خل اخلص بس عشان افضاله الموتر

[KASH]

افا عليك انا بس حبيت اخدم ...

[بوحسين]

شباب شنو هذي مكينه LS1 وشكثر قوتها وتركب على شنو واسعارهم بالكويت ؟؟؟؟
ومشكووووووورين وساموني على الازعاج

[KASH]

بوحسين .........
LS1 اهي نفسها مكينة الكورفت والكمارو والومنا SS والكابرس
نزلت المكينة اول شي على الكورفت C5 سنة 1997 وتغيرت الى LS2 الي اهي مكينة الكورفت الحالي C6

جيراتها عادي 6 غيار والتماتيك 5 غيار

سعتها : 5.7L
نص المكينة التحتي المنيوم
اهي بخاخ
طبعا 8 سلندر

وقت تركيبها على اي سيارة ثانية يتم تركيب مكينة الكمارو لأن جير الكمارو وضعيته تناسب اغلب السيارات او يحتاجون تعديل بسيط .

تركيب ظفيرة الكهربا والكمبيوتر ومترجم الهوا ضروري عشان المكينه تشتغل على السيارة .

احتياجات التركيب :

طبعا كراسي او قواعد المكينة من البدي يحتاجون لحيم او تركيب براغي , طبعا تركيب البراغي انظف بس متعب اكثر من اللحيم وعلى حسب السيارة والي يشتغل فيها

طبعا الجاردن راح يكون نصة من جير LS1 والنص الثاني من السياره نفسها الي البككس .

توصيل البانزين من تانكي البانزين القديم الي مكينة الLS1 راح يكون ضعيف على طرمبة بانزين السيارة القديمة فبهالحالة يتم تركيب طرمبة بانزين مرسيدس 560 لأنها اقوى من طرمبة الLS1 نفسها ومكيف شغال وكل شي اوكي بدون مشاكل .

بعض المشاكل :
العدادات يمكن مايشتغل واحد او اكثر فبهالحالة يتركبون عدادات خارجية او انك تفصل لوحة عدادات عشان الشكل يصير احلى .
المكينه وايد حلوة وسهلة في اللغام واغراضها متوفرة في كل مكان سواء طلبية او بالكويت

ملاحظة هامة لازم السيارة الي راح تركب عليها المكينة تكون دفع خلفي .


وهذا موضوعي بالقسم العام عن هالمكينة و بعض السيارات الي ركبوها (صور)
http://q8rides.com/showthread.php?t=60364

[MuscleCar]

مثل ما قالوا إخوانا مكينة ls1 تركب على القدم , وعندك بأمريكا كله يحبون مكاين ls1 يركبونهم أكثر شي على الكماروات من 67 لي 73 , المهم في عندك بشويخ كراج الأداء العالي يكون شوي قريب عند الكراج الي يلغم سيارات اليابانيه , وفي عندك سوبر شوب همن قريب عندهم بشويخ هذول خابرهم يركبون مكاين ls1 :) وموفق حبيبي إن شاء الله

[KASH]

شباب شرايكم انسوي موضوع يديد اناقش فيه المكاين والجيرات ... ترا حدي متشيش وناطر ردكم ... بسرعة

[MuscleCar]

شباب شرايكم انسوي موضوع يديد اناقش فيه المكاين والجيرات ... ترا حدي متشيش وناطر ردكم ... بسرعة



لوووووووووووووووووووول للأسف ماعندي خبرة إلا بأنواع المكاين :icon_razz :icon_razz

[TRANS AM 73]

والله ياشباب خايف خوفي اركبها وابتلش ولموتر يتبهذل دكتور قالي ماينفع اترانزك فيه وزن المهم في احد امركبها بالكويت على موتر قديم ومشكورين على هل الردود

[KASH]

والله بالكويت ما شفت احد مركبها الا على زدات .. وبانسبه حق الوزن انت موترك ثقيل ومكينته ثقيله بعد واثقل من LS1 لأن LS1 اعتمادها الكلي على الألمنيون بعكس مكينتك كلها حديد .. فبهالحالة راح يصير موترك اخف مع LS1 واقوى طبعا ... والدكتور ما قام يشتغل مثل هذا الشغل لأنه يبيله وقت وهو مايبي يشغل الكراج بسارة توقف اكثر من اسبوعين بمكانها .. وبعدين اهو فنان بالكابريتر ومو قوي وايد بالبخاخ ... انا اقولك شغلة : اسأل احمد البحريني بهلموضوع ومحلة يم الدكتور اهو نفسه الي يشتغل بسيارات اليابانية .

وشوف هذا الرابط هذا شغل صاحبي مركب مكينة سوبرا على كورفت C4
http://youtube.com/watch?v=bj_lIkgnfl8
http://youtube.com/watch?v=ZWBOmrNH_ug

[بوحسين]

مشكوووووووورين وماقصرتوا على المعلومات الطيبه وعطيكم العافيه

[KASH]

الله يعافيك بوحسين ولا تقطع

[بوحسين]

تامر أمر

[KASH]

ما يامر عليك عدو يابوحسين

[قلب التنين]

TRANS AM 73 ياخوي اخذها نصيحه من اخوك الصغير ترى الموتر كثر ماتقط ابطنه
مايخلص بتظل تقط على الفاضي اذا مومضايقتك مكينة الاولدز برايي انك تستعمل الموتر وتستانس فيه افضلك ولو حاب اتقط ضبط الموتر اذا في نواقص بالبدي او الداخليه خل موترك ستوك افضل لاتهدر فلوسك على الفاضي واذا حاب تغير المكينه دورك بعدين على مكينة بونتيك نظيفه حجم 400 وايد احسن فيها عزم وماتحتر وتقدر تقويها تركب لها روس 455 ينشطها اكثر اعتقد لمن ترد السياره اصليه ماراح اتحسف بالعكس ويمكن اتييبلك سعر اذا فكرت تبيعها هذا حسب رايي وخبرتي في البونتيك ...... وبالتوفيق انشالله

[KASH]

كلام حلو صراحة

[TRANS AM 73]

والله كلم حلو بس اصراحه انا شكلي بهون واخليه استوك وفك نفسي لانه الموتر امجدد صح على ايد الوالد اخليه حق تمشي ولا دوس وبلابطيخ لانه الصراحه مشكله اذكر كان عندي الكس بهذلني الغم اهني يطلعلي شي ثاني اهني وكان كثير الخرابات لمن بعته صجصج اذان الحنطور موستج مشكوري يا اخوان على الردود ويعطيكم الف الف عافيه وانته ياخو كاش ما انسه جهودك وياي ويعطيك العافيه وعلى كل من شارك بهل موضوع واسلام عليكم

[KASH]

حبيبي هذا واجب وحتي اذا بغيت شركات تبيع اكسسوارات حق الترانز يعني شغل الوكالة وقطع وكالة للتجديد اسأل وانا انشاء الله اعطيك الروابط واذا تبي احد يطلبلك اياهم انشاءالله Q8rides جاسم مايقصر وياك بعد ...

وانا بالخدمة ياخوي

[TRANS AM 73]

اي والله على طاري الديكورات بغيت طبلون وديكور الجير لوووول يعطيك العافيه تعبناك ويانه على راس متسر كاش ويعطيك الف الف عافيه

[KASH]

http://www.yearone.com/


جــــــــرب هذا الرابط

[abuahmad58]

والله صراحه موضوع حلو ,,,,,, واشكر جميع من شارك فيه

بس عندي تعقيب بخصوص ls1 او السيارات الي عليها بخاخ من امريكا او الي تم تركيبه
في الكويت

ماشفت واحد مركب بخاخ مرتاح " اقصد ترهيم علي سيره قديمه " الا ومتاذي اذييت العالمين
مع السياره ,, يابرمجه كمبيوتر ,ياطرمبه تفصل او دفع ضعيف , يا السياره تطفي ولا ترجف
وجدام عيني Gto 76 ياي من امريكا عليه بخاخ مكينه 400 بونتيك جديده قعد شهر من قراج
الي قراج مشكله البخاخ والكمبيوتر والطرمبه ,,, وبل اخير لغا البخاخ و حولها كابريتر وانت المشكله
اخوي كاش : انا معاك بخصوص ls1 احلي مكاين الصراحه بس اذا كان شغلك صح وكله جديد
وعلي المانيول ,,, وعلي فكره بامريكا اغلب السيارات القديمه والكلاسيكيه اذا بقوا ايسوين
ريستوريشين لها ,,,اول خيار وارخص واسهل هو ls1

راي الاخير بالنسبه للاخ ترانس ام : او غيره من الاخوان الي عندهم بونتيك او اولدزموبيل
-اذا عندك فلوس راهيه جدد مكينتك افضل وركب لك كام وروس اذا تبي عزم اكثر
- واذا ماعندك فلوس راهيه حول الي مكينه شفر سمول بوك او بجبلوك مع قير بحدود 400 الي 500 اذا نظيفه او مجدده ستولك وايد افضل

ومره ثانيه اشكركم علي الموضوع وياريت يتم تثبيت مشاركه الاخ كاش بخصوص ls1
عشان تكون مرجع للاعضاء

ودمتم بود

اخوكم ابواحمد

[KASH]

حبيبي بو احمد ... شاكرلك ياخوي على هالكلام المرتب ولك مني كل الأحترام والتقدير على مشاركتك بالموضوع ... وطبعا شكر خاص حق الصاحب الأساسي للموضوع اخونا
TRANS AM 73 (http://q8rides.com/member.php?u=4195)

والله يعطيكم العافيه

[TRANS AM 73]

مشكور شباب ويعطيك الف الف عافيه وبتوفيق انشالله اجمعين