السلام عليكم

[q8_dream]

السلام عليكم

انا من الكويت و عندي jaguar s-type 2005
بغيت اعرف في كراجات و محلات بالكويت اقدر احصل حق السيارة سستم شوته او يعني هوائيات حق السيارة ؟
لن الصراحة انا ادور بالنت واحصل سستم شوته k&n بس بالكويت سالت اقولي مافي اي شي حق الجاكور ونا مادري الصراحه ففي احد يقدر افيدني .

[موستنغGt]

اخووي عندك الشباب اكيد راح يفيدوونك ويفهمونك مكان التلغيم حق سيارتك

[q8_dream]

مشكوور اخوي وانا ناطر اي واحد من الشباب افيدني . لان الي ابيه بس يعني هوائيات :)

[goldstar_]

في واحد من اثنين ...:
يا اما انك اتشيل الشوته كلها ويا الصندوق مالها وتركب وصلة صغيرة (بايب) وتركب شوتة كورن (مخروطية الشكل) K&n من سوميت او سوبر شوب ....
او انك تشيل الفلتر بروحه وتدش عند سوبر شوب وتقوله ابي فلتر نفس هذا ووريهم ياه واذا قالك ماكو حق الجاكوار لا تاخذ كلامهم وقيسه على مال الرنج روفر او الشفرات لاني انا ركبت فلتر من سوميت حق الرنج ماركة K&n وشوف شيصير وياك و بالتوفيق....

[q8_dream]

يعطيك العافية اخوي يعني . شنو تنصح اشتري الشوته بس ولا ولا كامل يعني الراس والبايب ؟

يعني اذا قالي ماي حق الجاكور بس اهم شي ان اكونون نفس الحجم .

معلومة : الجاكور ال عندي 6 سلندر

[Q87sain]

يسلموو على الموضوع

[VIP]

أمووفق أن شــاء الله أخووي


وأن شــاء الله تحصــــــــــــــــــــــل ,...,

[Tote_ss4ever]

ما انصح انك تعدل جاغوار لانه مشاكله كثيرة وقطع غياره غالية

[Q8rides]

والله اخوي بالكويت صعب تحصل شغلات متخصصة للجاكوار..الا اذا مثل ما تفضلت شغلات عامة مثل شوتة او شغلات بسيطة...عالعموم ان حبين تطلب شي من النت دزلي رسالة خاصة وانا حاضر.

بس بشكل عام لا ينصح بتعديل هالسيارات لأنها حساسة للتعديلات

والله يوفقك اخوي

[$المهندس$]

تبي نصيحه


في محل كشخه بس غالي حيل

تدل اوتو كار ؟؟ الي يبيعون سيارات يديه و عليها كفاله ؟


يمه علي طول فيه محل حق السيارات الاوربيه يضبطونك اهناك

[goldstar_]

شوف ياخوي ترى كل شي له مميزات وعيوب ...
اذا مالقيت نفس القياس حق الجاكوار اخذ بايب ويا شوتة مخروطية ...
لكن الشوتة المخروطية صج ميزتها تاخذ هوا أكثر وتقوي السحب بس لها عيوب .. واللي اهي انها تسحب الهوا من كل الجهات .. طبعا هذا شي زين بس المو زين انها تسحب الهوا من يم المكينة الي اهو ممكن يكون فيه أبخرة وزيوت وطين وماي ... فتنسد بعد فترة المسامات مالتها ويصير ما منها فايدة ولازم تغسلها .. مع العلم انه الشوتة لو غسلتها بنفس الطريقة الي تنصح فيها الشركة .. ماراح ترجع جديدة .. فلا تصدق كلام الشركة ... أما الفلتر الي يركب بمكان الفلتر الاصلي فهذا احسن مع انه يسحب الهوا من جهة وحدة واقل من المخروط بس الميزة انه ما يسحب الهوا من اي مكان ... لان الوكالات مخصصة مكان حق الشوتة ما يوصله الماي ولا الزيوت مهما صار ... فدايما تلقى فلتر الوكالة متروس غبار بس عمرك ماتلقاه اسود ومتروس دهن ... وانا انصح بفلتر الي يركب مكان مال الوكالة ... لكن اذا مالقيت فلاحول ولا قوة مالك الا الفلتر المخروط.... ولا تأيس دور بالانترنت راح تلقى قطع تلغيم حق الجكوار ... بس لاتقط عليها فلوس اذا انت ماتعزها وايد.. فانا مثلا عندي كدلك الدورادو 1995 نورث ستار اهي ماتسوى اكثر من 600 دينار بس انا قاط عليها فوق الالف دينار وحصلت لها قطع تلغيم كهربة وقاعد ادور سوبر جارجر وبساتن حقها بس هذا كله لاني اعز هالسيارة ... ولا اهي صيانتها مصيبة ونفس الشي الجكور قطعها غالية وصيانتها مصيبة فاذا انت اتعزها .. استمر وراح تتعب بس بمقابل يستاهل .. لكن اذا ماكنت اتعزها ذاك الزود فانا اقولك من الحين .... انحشششششششش