مجسمي الشارجر الجديد

[LUMINA SS]

السلام عليكم

شلونكم بعد السفر

آنا كنت مسافر و بمناسبة عودتي بالسلامه

إخواني شروا لي مجسم شارجر RT DAYTONA أصفر

بس يا فرحة ما تمت

فتحته الصبغ مشمخ و الكبوت ما يفتح

و المحل يايب وحده بس والله قهر و أول وحده بالمحل

هذي صورته

http://q8rides.net/out.php?i=2021_DSC09802.JPG



ها شرايكم فيه

بس راح ارده

مع السلامه

[KASH]

مبروك المجسم SS بس الصوره وايد كبيره ماقدرت اشوفها كلها

[LUMINA SS]

الله يبارك فيك كشكوش

بس إذا تبي تشوفها احفظها و شوفها بالبرنامج مال الصور

[بوحسين]

مبرووووك حبيبي ss على الموتر
وبغيت خدمه !!
من وين تشتري مجسماتك وجم أعلى سعر من المحلات الي تشتريهم ؟؟
والله يعطيك العافيه

[LUMINA SS]

الله يبارك فيك حبيبي بو حسين

آنا قبل كنت أشتري من ميناء الأحمدي بالصوابر بس لمن نقل ما عرفت وين مكانه

بس الحين أشتري من عش الطفل بالصوابر بس ما أنصحك تشتري منه لأنه كل ما أشتري وحده تطلع خربانه

و معاملة الرجال الي بالمحل زباااله

بس الحين بعد عرفت مكان مينا الأحمدي ما أشتري من غيره بعد

و بالنسبه للأسعار فكلهم تحت الــ 8 دنانير

و يمكن باجر بنزل موضوع الشارجر

رحت المحل وبدلته غصباً عليه

و مشكوور على مرورك الحلو

[KASH]

يالربع ذاك اليوم رحت بروي الي بالأفنيوز اشتري ملابس حق اليهال
وبالصدفة ليقته منزل خوش مجسمات من HOT WHEELS


والله خوش مجسمات وعجبني دودج شالنجر قديم مضبظ اسود

اخذولكم فره شوفوهم

[بوحسين]

تسلمون يالربع على الافاده بس أنا بغيت أسأل عن الاسعار الان أنا طايحله من فنتاستي وورد كل مجسم ستوك بعشره !!

[KASH]

SS وين صاير مينا الأحمدي اليديد

عشان تفيد بوحسين

وانا امر اشوف شعنده من يديد

[MUSTANG]

لومينا انا كنت متردد اشتري ولا مااشتريه
وبعدين ماشريته

وموفق ان شاء الله بالاختيار الصحيح

[MR.DUB]

مبروك اس اس
ماشاءالله خوش مجسم
والي يبي مجسمات مضبطه يروح بروي مثل ماقال كشكوش تحصلون عنده اشياء حلوه وانا خذيت منهم مجسم كمارو مضبط وانشاء الله راح انزل صورته بعد جم يوم بس سعر المجسم شوي غالي انا اخذته ب 16 دينار وكان عليه خصم

[LUMINA SS]

مشكورين و الله يبارك فيكم

و بالنسبه لموقع ميناء الأحمدي خلف بيت التمويل الي بالصوابر

كاش صحيح كلامك آنا بعد رحت بروي و شفت المجسمات

عندهم هوت ويلز بس وايد أغلى من برا آنا عجبني أستون مارتن فانتج

و آنا شريت همر H1 من بروي

و يا بوحسين فانتسي وورد وااااايد غالي

و في بجمعية الضاحيه فوق محل ألعاب و جمعية المنصوريه و جمعية الشعب فوق

أسعارهم أرخص من بروي و فانتسي وورد

ومشكوورين على الردوود

[قلب التنين]

حبايبي محل ميناء الاحمدي اليديد صاير خلف مكتب الابراهيم للسيارات بشرق ... وسلامتكم

[KASH]

اي شفته اليوم ودليت مكانه ورا الأبراهيم

بس لقيته متأخر عقب التسع كان مصكر

امره وقت ثاني

[بوحسين]

بشرق صوب محلات القواري عدل ؟؟

[KASH]

اي بس آخر الشارع قبل الأشاره نفس عمارة مكتب الأبراهيم للسيارات

وهو يصير ورى مكتب الأبراهيم

[بوحسين]

انشالله خير تسلم حبيبي كاش

[Q87sain]

تسلم اخوي على الموضوع المميز

[Q8rides]

روعة الديتونا

الله يعطيك خيره ويكفيك شره

[LUMINA SS]

الله يسلمكم بو حمود و ZR1

والله يعافيكم

ومشكوورين على المرور

[TRANS AM 73]

وين وكان المحل خن طقه ياله على العموم ومشكور ويعطيك العافيه على الموضوع الحلو