طلب مساعده من الاخ KASH

[البعيد]

السلام عليكم

اذا ممكن تفدني في المازدا3 مره ثانيه ؟؟

انا الحين ركبت الاكزوز سستم مع الهيدرز والفرق واضح في راحت المحرك واندفاعه لكن مب لدرجة القوة المطلوبه او الاندفاع ،، وبخصوص سستم الهواء ما يركب على سيارتي لان فلتر الهواء الوكالة مستطيل الشكل وياخذ حيز من المحرك تقدر اتشوفه في اي مازدا 3 والمحرك 1.6 الخليجي ،، ما ادري شو رايك في هذا الموضوع ؟؟ شو اقدر اسوي بعدحق السياره ؟؟

[KASH]

هلا اخوي وحياك الله

تقدر تفصل سستم الهوا وأكيد عندكم ناس تخصص بهالأمور يعني تشتري الفلتر بروحه وحداد يفصل لك البايب الي يركب بين الفلتر والثروتل .

وتقدر تفك الثروتل وروس المكينه وتوديهم المخرطة وتسويلهم بوليش يعني توسيع خفيف وتسوي شغله يسمونها قراين للصبابات .

حاول تفصل سستم الهوا اول وشوف شنو يصير معاك ... واشتر بلاكات ريس حق سيارتك وبدلهم .

وانا معاك على الخط حق اي استفسار

انصحك بفلاتر HKS او K&N

[البعيد]

تسلم اخوي وان شاء الله بدور على الي يفصل البيب .

[KASH]

اهم نفسهم الي يسوون القزوزات

[البعيد]

و في اسفسار ثاني ،، هل حجم الرنج الي هو 17 حاليا على سيارتي يأثر او لا ؟؟

[KASH]

لا عادي
بس حاول تركب تاير ضعيف

ونزل السيارة

عشان يصير ممشاها وشكلها احلى

بس ابي اعرف اهي عادي ولا تماتيك

[البعيد]

هي جير اتوماتيك

[KASH]

ركب مبرد زيت القير اكبر من الي على السياره

[البعيد]

هلا والله اخوي KASH لو تشرح لي اكثر عن مبرد زيت القير لاني ما اعرف افيدني الله يخليك وين القاه وشو هو عشان اكون فاهم واستفيد ... وبخصوص فلتر الهوا كل ما اسير عند واحد يقول لي ما يستوي ومايركب وبعدني ما زلت ادور .

[KASH]

البعيد هذي صورة مكينتك ?

http://farm2.static.flickr.com/1054/1049231566_64dc83eb36.jpg?v=0

[البعيد]

ياليت هذي صورة مكينة سيارتي هذي فيها تربو من الوكالة الله يخليك في فرق... انا الحين بنزل المواقف وبصور لك المكينة وبطرشها.

[KASH]

انا منتظرك
---------

[البعيد]

هذي هي المكينه

ما عرفت كيف ادرج الصورة؟؟

[KASH]

مركز تحميل الصور موجود بتوقيعي
اضغط عليه وحمل الصوره ونزلها بالموضوع

[KASH]

انزين شوف هالصورة قبل

http://farm1.static.flickr.com/101/305197961_63226b21ba.jpg?v=0

[البعيد]

http://http://q8rides.net/out.php?i=1437_16331634163216371634163216321640.jp g

[البعيد]

غريبه الصوره ما تطلع ليش؟؟

[KASH]

عندك المربع الي تكتب فيه الرد
فيه اختيارات فوق ومربعات صغار
في مربع عليه صورة جبال وشمس
اضغط عليه وحط فيه رابط الصوره

طبعا الصوره لما تنزلها بمركز التحميل
راح يطلعلك كذا رابط حقها
جربهم واحد واحد وشوف اي رابط
الي فيه الصوره قبل ما تعتمد الرد

وانا بنتظارك

وسامحني على التأخير في الرد

[البعيد]

http://q8rides.net/out.php?i=1438_16331634163216371634163216321640.jp g

[KASH]

الحين عرفت نظام السيارة

شوف مالك الا حل واحد

فلتر الهوا عندك مربع او مستطيل

حاول تبدله بفلتر K&N

http://www.knfilters.com/images/2cfilter.jpg



مثل هذا تقريبا

وهذولي أرقام الكودات الي راح تسأل عنهم


الأول ::: 2874-33

الثاني ::: 2924-33


والحين بحطلك رابط وكلاء K&N بالأمارات اتصل وأسألهم عن هالأرقام اذا متوفرين عندهم


http://www.knfilters.com/search/dealersearch.aspx


وعطني خبر

[البعيد]

تسلم اخوي KASH على المساعده وان شاء الله بيكون الرد عندك اول ما احصل على الفلتر
من عند الوكلاء .

[KASH]

شفت ارقام الوكلاء من الرابط ?

[البعيد]

شفت ارقام الوكلاء بس مب موجود عندهم شي ثيخص المازدا 3 لان ما في بطلب عليها في السوق بالمره ، احبطوني لدرجة افكر بيع السياره واشتري شي مطلوب علشان اللاقي القطع.

[KASH]

والله اخوي البعيد
المشكله انه مو متوفر اغراض كثيرة للمازدا 3


وحتا لو تفكر ترهم لها تيربو ... المشكله عندك بالبخاخ مافي حق سيارتك
كل الأغراض حق الــــ2.0L والـــ2.3L


بس انطر شوي انا راح ادورلك سايك

[KASH]

للأسف مالقيت شي ياخوي

حاول تطلب الفلتر من الوكلاء كطلبيه خاصة

واذا فكرت تبيع وتشتري موتر ثاني قولي عشان اقولك شتاخذ

[البعيد]

قبل كل شي قلوبنا وياكم يا اهل الكويت .. وتقبلو احر التعازي من اخوكم البعيد والله يتغمد روح ابونا الغالي سمو الشيخ ((سعد)) في واسع جناته

تسلم اخوي KASH على المساعده .. وشو تنصحني اشتري

[KASH]

جزاك الله خير اخوي البعيد
والله يحفظكم ويحفظ حكامكم

[KASH]

البعيد شرايك باللانسر الايفو او السبارو الامبريزا الــــSTI

[البعيد]

تسلم اخوي KASH لى النصيحه .. وحاليا الميزانية ما اتساعد .. ان شاء الله قريب بيكون كل شي اوكي .. اذا كان عندك مسنجر ياليت تعطيني الايميل ولك جزيل الشكر .

[KASH]

انشالله
------------

راح ادزلك اياه على الخاص

[البعيد]

خير ان شاء الله انا في انتظارك