مساعده يا شباب في طلب قطع تلغيم المازدا 3

[البعيد]

السلام عليكم


انا عندي مازدا 3 موديل 2005 سعة المحرك 1.6 واريد اللغم السيارة وما لقيت واذا اقدر احصل عن طريقكم ؟؟ وانا في الامارات .

[ابوساره]

السلام عليكم

مرحبابك اخوي

الصراحه غريبة مالقيت تلغيم لسيارتك وانت فالامارات ..!!؟!؟!


روح للعين وشوف كراج السيم او السهم ناسي والله شسمة بالظبط ..

تلقى جمبة قطع غيار كت تيربو وووووو..اخذ الراس مال التيربو ..وفصل الاقزوز عند منير

وكمبيوتر موتيك ..وكلش تربل بليت ..وخلاص انتهت السالفه ولا تطلب من برى ولا هم يحزنون ..:)

والسموحه على الاطاله

[البعيد]

قبل كل شي مشكوووووووووووور اخوي بوساره على المساعده وان شاء الله انا بكون في العين قريب .. ولو تقدر اتقول لي منو هو منير الي عنده تفصيل الاقزوزات ما عليك امر وين اقدر اخلص موضوع الكميوتر وغيرها من هالاشياء لو تقدر تعطيني اسامي المحلات او الكرجات وبس .. وتسلم .

[ابوساره]

هلا والله اخوي ..


بالنسبة للعين المكان فالصناعية اول ما تدخل الصناعيه من صوب الكراجات مب السكراب ..

اسال عن كراج السيم او السهم ناسية ترى الكراج يفتح بابه على الشارع الفرعي
وقدام الكراج ارض فاضيه ..

هذا مكان الكراج ..

بالنسبه ل منير هو الي في دبي ..الي فيه مخرطة السويدي ..ادخل عند هالمكان اول محل فالحوطة على اليمين هو منبير ويفصل لك القزوز ورخيص وبتلقى عنده كل القطع
الي بتنقص للتيربو ..بس للفائدة اخذ تيربو صغير ..وركبة على فوق لجيت عند منير
خل التير بو فتحته على فوق ..للمستقبل عشان تطور او تكبر ...

ومنير هو الي يسمونه كراج السودي للخراطة ...


بالنسبة للموتيك ..شوف كراج بن دلموك بتحصل فيه كمبيوترات مستعمله بسعر 6000 درهم او اقل

والجديد ب 10000 الف درهم ..المهم انا انصحك قبل كل شي الله لا يهينهك

مر على منير اليوم واساله شل المطلوب ..

عشان تفتك من الروحه والرده للعين ..

واشتر القطع والسالفه كلها ما تكلف 22 الف ريال :)باذن الله

[البعيد]

تسلم اخوي ابو ساره على المساعده القيمة الي قدمتها لي وان شاء الله انا بمر على منير وراح اشوف شو يقول لي ... ومشكور وتسلم

[ابوساره]

الله يسلمك اخوي ..

وماسويت شي ودنا والله نخدمك اكثر واكثر من كذا ..

وبالتوفيق

[البعيد]

السلام عليكم
مره ثانية اخوي ابو ساره .. رحت على العين عند المحل طلع بس للفورويل 4x4 ومخرطة السويدي مالقيتها وبعدني مازلت ادور بس لقيت كراج السويدي العالمي بس عندهم مشكله في التلفون كنت اتصل على شان اعرف منهم اذا هم المطلوبين وين مكانهم .. ما ادري اذا تعرف امكان ثانيه .. وانا حاليا في العين .

[ابوساره]

هلابك اخوي

غريب الي قالك مال فورويل

انا اقولك مالك خص في شي اشتر الراس مال التيربو وروح ل منير

اسم راعي التورنة الي تركب الهدرزات في دبي فالراشدية بالضبط

هو نفسه الي يفصل القزوز وروح له اول شي اساله اي نوع تاخذ تيربو الراس والباقي كل شي عنده

من قزوز وانتر كولر وكل شي

وماعليك من الي يقولك مال فورويل كله واحد

اسال في دبي في صناعيه الراشدية عن كراج منير السويدي مال الهدرزات

هو نفسه يركب التيربو

..


ودامك في العين الحين

روح الله يسلمك للصناعيه الي ورى المعارض عند كراج السهم وقوله

عن موترك وشوف شنو بينصحك فيه ويمكن تلقى عندة تيربو كامل جاهز

لان راعي الكراج عندة مازدا مزودة وموقفه عند الكراج مقابل المحل الي يبيع الكت مال التيربو


وبالتوفيق اخوي ..

[البعيد]

السلام عليكم

مشكور اخوي ابو ساره على التعب معاي .. ان شاء الله باكر الصبح بكون عند كراج سهم العين وبسأله عن المطلوب، و حصلت جريب منه محل اسمه بعد سهم العين حق تفصيل الاقزوزات والهيدرز وغيره وان شاء الله توصلك الاخبار:icon_cool .

[ابوساره]

بالتوفيق انشاء الله

وانا انتظر الخبر

وقولي عن الخلطة بالكامل


وتحمل من الاسعار الغالية

[Q8rides]

تلغيم موفق ان شاء الله ونبي نشوف صور المازدا بعد التعديلات :)