سؤالي عن الهيدرز

[jassem bader]

يعطيكم العافية شباب ,
بس بغيت اعرف شنو الفرق بين الهيدرز اللونق والشورت ؟
ومشكورين

[KASH]

اخوي يعتمد سيارتك شنو عليها اغراض

[شفروليه]

هيدرز أحسن شيئ لتعديل السيارة

[ابو فالح]

هو قال شنو الفرق ما قال حق تعديل
الفرق سلمك الله لونق نازل الهدرز يبين من تحت
وشورت نفس مال الوكاله بس اقوى من الوكاله وملموم
الكل يفضل الونق وانا واحد من الناس اللي مركبها
بس مو عاجبني كل مطبه اتحوش اذا سيارتك نازله واذا المطبه عاليه
انصحك شووووورت

[بوحسين]

انزين شلون الهدرز كأستعمال يومي ما يأثر على السياره ؟؟

والسستم شوته شنو فايدتها وقوتها ؟؟

[eng.midget]

سلمك الله يعتمد على سيارتك الشورت يعطيك تورك اكبر من اللونغ و اذا عندك suv انصحك بشورت و تقدر تركب لونغ

اللونغ يعطيك فلو اكبر حق الهوا اللي طالع من المكينه و يقلل درجة الحراره ( under hood temperature ) .

اللونغ حق اذا ناوي توصل حق مرحله اكبر بالتعديل ركبه لأنه اللونغ و الشورت مايفرق وياك الا اذا ركبت كام او وسعت ثلاجه . و ارجو اني فدتك

[abuahmad58]

حتي لو ماتعدل علي المكينه راح يفرق معاك ,,, جرب انك تشرب ببسي بعودين بدل عود واحد
نفس الشي مع المكينه فتحه الهدر اوسع من ( stock manifold ) مما يودي الي دفع
كميه اكبر من الهواء ويرييح ويزيد عزم المكينه والتورك وماراح يفرق بين اللونج والشورت
وانا افضل الشورت لانك راح توفر بيزاتك وراح يركب علي تمديدات الوكاله مع بعض التعديل

وبالنسبه حق الحراره الي داخل كبينة المكينه ,, اخذ النوع المطلي بالسيراميك او الي مطلي بالبودر الحراري ( ceramic coating or poder coating )

وبالمناسبه الي عنده هدرز شورت حق كورفت c3 للبيع يعطيني خبر

[!CoRveTTe!]

انزين شلون الهدرز كأستعمال يومي ما يأثر على السياره ؟؟

والسستم شوته شنو فايدتها وقوتها ؟؟
اخوي بوحسين الهدرز مايأثر على السياره ..
والسستم شوته فايدتها كبيره جدا لانها تبرد على المكينه وتصفي الهواء اللي تاخذه المكينه من برا وتبرده على المكينه علشان تعطيكـ Hourse Power اكثر ..
وانا عندي اهم لغمه و اول لغمه احطها اهيا السستم شوته و سستم اكزووز لانه بعد الأكزوز يريح المكينه و اثنينهم مهمين جدا ...
وسامحنا على القصور بو حسون ...

[بوحسين]

حبيبي والله ماقصرت ما من قصور اهم شي انك رديت عليي وما طنشت :)
حبيب والله الله يعطيك العافيه على هالمعلومات الحلوه

وانشالله اذا ركبتهم بقولك النتيجه عن جريب انشالله اذا الله
احيانه شهر فبراير امركبهم
وعساك على القوه

[!CoRveTTe!]

حبيبي والله ماقصرت ما من قصور اهم شي انك رديت عليي وما طنشت :)

حبيب والله الله يعطيك العافيه على هالمعلومات الحلوه

وانشالله اذا ركبتهم بقولك النتيجه عن جريب انشالله اذا الله
احيانه شهر فبراير امركبهم
وعساك على القوه

الله يعافيك اخوي و انا ماسويت شي و هذا واجبي ...
وانشاء الله اذا ركبتهم قولي :biggrin:...